ਪਾਲੀਟੈਕਨਿਕ ਕਾਲਜ ਦੇ ਵਿਹੜੇ ‘ਚ ਵਿਦਿਆਰਥੀ ਉਗਾ ਰਹੇ ਨੇ ਜੰਗਲ

FOR ENGLISH VERSION CLICK HERE

550 ਸਾਲਾ ਪ੍ਰਕਾਸ਼ ਪੁਰਬ ਨੂੰ ਸਮਰਪਿਤ 4 ਕਨਾਲਾਂ ਤੋਂ ਵੱਧ ਰਕਬੇ ਵਿੱਚ 12 ਕਿਸਮਾਂ ਦੇ 650 ਪੌਦੇ ਲਗਾਏ



ਬਟਾਲਾ

ਜੰਗਲ ਦੇਖਣ ਦੇ ਚਾਹਵਾਨਾਂ ਨੂੰ ਹੁਣ ਕਿਤੇ ਦੂਰ ਜਾਣ ਦੀ ਲੋੜ ਨਹੀਂ ਪਵੇਗੀ ਪੰਜਾਬ ਦੇ ਵੱਖ-ਵੱਖ ਹਿੱਸਿਆਂ ‘ਚ ਉਗਾਏ ਜਾ ਰਹੇ ਨੇ ਛੋਟੇ ਜੰਗਲ। ਬਟਾਲਾ ਸ਼ਹਿਰ ਵਾਸੀ ਆਉਂਦੇ ਕੁਝ ਸਾਲਾਂ ਤੱਕ ਆਪਣੇ ਸ਼ਹਿਰ ਵਿੱਚ ਹੀ ਜੰਗਲ ਦਾ ਖੂਬਸੂਰਤ ਅਨੁਭਵ ਮਾਣ ਸਕਣਗੇ। ਬਟਾਲਾ ਦੇ ਸਰਕਾਰੀ ਬਹੁ-ਤਕਨੀਕੀ ਕਾਲਜ ਵਿਖੇ ਵਿਦਿਆਰਥੀਆਂ ਵਲੋਂ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ 550 ਸਾਲਾ ਪ੍ਰਕਾਸ਼ ਪੁਰਬ ਨੂੰ ਸਮਰਪਿਤ ਕਾਲਜ ਦੇ ਵਿਸ਼ਾਲ ਵਿਹੜੇ ਦੀ ਇੱਕ ਨੁਕਰੇ 4 ਕਨਾਲਾਂ ਤੋਂ ਵੱਧ ਰਕਬੇ ਵਿੱਚ ਜੰਗਲ ਉਗਾਇਆ ਜਾ ਰਿਹਾ ਹੈ। ਇਸ ਜੰਗਲ ਵਿੱਚ 650 ਤੋਂ ਪੌਦੇ ਲਗਾਏ ਗਏ ਹਨ ਜਿਨ੍ਹਾਂ ਵਿੱਚ 100 ਪੌਦੇ ਤੁਣ (ਗੁਾਲਬੀ), 100 ਟਾਹਲੀਆਂ, 50 ਧਰੇਕਾਂ (ਬਰ੍ਹਮੀਂ), 50 ਧਰੇਕਾਂ (ਛੱਤਰੀ ਵਾਲੀਆਂ), 50 ਤੂਤ, 50 ਜਾਮਣ, 50 ਸਾਗਵਾਨ, 20 ਬਹੇੜਾ, 50 ਤਰਜੈਨ, 50 ਅਰਜਨ, 5 ਬੋਹੜ ਅਤੇ 75 ਸੁਖਚੈਨ ਦੇ ਪੌਦੇ ਲਗਾਏ ਗਏ ਹਨ।

ਸਰਕਾਰੀ ਬਹੁ-ਤਕਨੀਕੀ ਕਾਲਜ, ਬਟਾਲਾ ਦੇ ਪ੍ਰਿੰਸੀਪਲ ਇੰਜੀ: ਅਜੇ ਅਰੋੜਾ ਨੇ ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੇ 550 ਸਾਲਾ ਪ੍ਰਕਾਸ਼ ਪੁਰਬ ਨੂੰ ਸਮਰਪਿਤ ਵਾਤਾਵਰਨ ਦੀ ਸੰਭਾਲ ਲਈ ਲਗਾਏ ਜਾ ਰਹੇ ਪੌੋਦਿਆਂ ਦੀ ਮੁਹਿੰਮ ਤਹਿਤ ਕਾਲਜ ਵਿੱਚ ਇਹ ਜੰਗਲ ਉਗਾਇਆ ਜਾ ਰਿਹਾ ਹੈ। ਉਨ੍ਹਾਂ ਦੱਸਿਆ ਕਿ ਕਾਲਲ ਦੇ ਵਿਸ਼ਾਲ ਕੰਪਲੈਕਸ ਵਿੱਚ ਪਿਛਲੇ ਪਾਸੇ 4 ਕਨਾਲ ਤੋਂ ਵੱਧ ਜਗ੍ਹਾ ਖਾਲੀ ਪਈ ਸੀ, ਜਿਸਨੂੰ ਉਨ੍ਹਾਂ ਨੇ ਜੰਗਲ ਦਾ ਰੂਪ ਦੇਣ ਦੀ ਯੋਜਨਾ ਉਲੀਕੀ ਹੈ। ਉਨ੍ਹਾਂ ਕਿਹਾ ਕਿ ਜੰਗਲ ਵਿੱਚ ਸਾਰੇ ਪੌਦੇ ਵਿਦਿਆਰਥੀਆਂ ਨੇ ਖੁਦ ਲਗਾਏ ਹਨ ਅਤੇ ਇੱਕ-ਇੱਕ ਪੌਦਾ ਵਿਦਿਆਰਥੀਆਂ ਨੂੰ ਸਾਂਭ-ਸੰਭਾਲ ਲਈ ਦਿੱਤਾ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਪੌਦੇ ਨੂੰ ਸਾਂਭਣ ਵਾਲੇ ਵਿਦਿਆਰਥੀ ਦੀ ਨੇਮ ਪਲੇਟ ਉਸ ਪੌਦੇ ਨਾਲ ਲਗਾਈ ਗਈ ਹੈ।

ਪ੍ਰਿੰਸੀਪਲ ਅਜੇ ਅਰੋੜਾ ਨੇ ਦੱਸਿਆ ਕਿ ਵਿਦਿਆਰਥੀਆਂ ਵਲੋਂ ਰੋਜ਼ਾਨਾਂ ਹੀ ਇਸ ਜੰਗਲ ਵਿੱਚ ਜਾ ਕੇ ਆਪਣੇ ਪੌਦਿਆਂ ਨੂੰ ਪਾਣੀ ਪਾਇਆ ਜਾਂਦਾ ਹੈ ਅਤੇ ਇਨ੍ਹਾਂ ਪੌਦਿਆਂ ਦੀ ਸਾਂਭ-ਸੰਭਾਲ ਕੀਤੀ ਜਾਂਦੀ ਹੈ। ਉਨ੍ਹਾਂ ਦੱਸਿਆ ਕਿ ਪੌਦਿਆਂ ਦੀ ਸੰਭਾਲ ਲਈ ਇਸ ਜੰਗਲ ਦੇ ਦੁਆਲੇ ਕੰਢਿਆਲੀ ਤਾਰ ਦੀ ਵਲਗਣ ਕੀਤੀ ਗਈ ਹੈ ਤਾਂ ਜੋ ਪਸ਼ੂ ਆਦਿ ਪੌਦਿਆਂ ਨੂੰ ਨੁਕਸਾਨ ਨਾ ਪਹੁੰਚਾਅ ਸਕਣ। ਉਨ੍ਹਾਂ ਦੱਸਿਆ ਕਿ ਸਾਰੇ ਹੀ ਪੌਦੇ ਤੁਰ ਪਏ ਹਨ ਅਤੇ ਇਨ੍ਹਾਂ ਦੀਆਂ ਨਵੀਆਂ ਕਰੂੰਬਲਾਂ ਨਿਕਲ ਰਹੀਆਂ ਹਨ। ਪ੍ਰਿੰਸੀਪਲ ਅਜੇ ਅਰੋੜਾ ਨੇ ਉਮੀਦ ਜਾਜ਼ਰ ਕੀਤੀ ਕਿ ਅਗਲੇ ਤਿੰਨ ਸਾਲਾਂ ਤੱਕ ਇਹ ਪੌਦੇ ਵੱਡੇ ਹੋ ਕਿ ਜੰਗਲ ਦਾ ਨਜ਼ਾਰਾ ਪੇਸ਼ ਕਰਨ ਲੱਗ ਪੈਣਗੇ।

ਸਰਕਾਰੀ ਬਹੁ-ਤਕਨੀਕੀ ਕਾਲਜ ਦੇ ਇਲੈਕਟ੍ਰੋਨਿਕ ਐਂਡ ਕਮਿਊਨੀਕੇਸ਼ਨ ਵਿਭਾਗ ਦੇ ਵਿਦਿਆਰਥੀ ਅਨੰਤ ਕੁਮਾਰ ਨੇ ਦੱਸਿਆ ਕਿ 550 ਸਾਲਾ ਪ੍ਰਕਾਸ਼ ਪੁਰਬ ਨੂੰ ਸਮਰਪਿਤ ਕਾਲਜ ਵਿੱਚ ਉਗਾਏ ਜਾ ਰਹੇ ਜੰਗਲ ਵਿੱਚ ਉਸਨੇ ਵੀ ਇੱਕ ਪੌਦਾ ਲਗਾਇਆ ਹੈ ਅਤੇ ਉਸਨੂੰ ਇਸ ਗੱਲ ਦੀ ਬੇਹੱਦ ਖੁਸ਼ੀ ਹੈ ਕਿ ਉਸਦਾ ਪੌਦਾ ਬੜੀ ਤੇਜ਼ੀ ਨਾਲ ਵੱਧ ਰਿਹਾ ਹੈ। ਉਸਨੇ ਕਿਹਾ ਕਿ ਉਹ ਹਰ ਰੋਜ਼ ਆਪਣੇ ਪੌਦੇ ਨੂੰ ਪਾਣੀ ਪਾ ਕੇ ਆਉਂਦਾ ਹੈ ਅਤੇ ਉਸਦੀ ਇਹ ਬੜੀ ਤੀਬਰ ਇੱਛਾ ਹੈ ਕਿ ਇਹ ਜੰਗਲ ਤੇਜ਼ੀ ਨਾਲ ਵਧੇ-ਫੁੱਲੇ ਤਾਂ ਜੋ ਅਸੀਂ ਇਥੇ ਆਪਣੇ ਹੱਥੀਂ ਲਗਾਏ ਪੌਦਿਆਂ ਦੀ ਛਾਂ ਅਤੇ ਫ਼ਲਾਂ ਨੂੰ ਮਾਣ ਸਕੀਏ।

ਸਰਕਾਰੀ ਬਹੁ-ਤਕਨੀਕੀ ਕਾਲਜ ਬਟਾਲਾ ਵਲੋਂ ਆਪਣੇ ਵਿਹੜੇ ਵਿੱਚ ਉਗਾਏ ਜਾ ਰਹੇ ਜੰਗਲ ਨੇ ਵਿਦਿਆਰਥੀਆਂ ਨੂੰ ਰੁੱਖਾਂ ਦੀ ਮਹੱਤਤਾ ਬਾਰੇ ਹੋਰ ਵੀ ਚੇਤੰਨ ਅਤੇ ਜਾਗਰੂਕ ਕੀਤਾ ਹੈ। ਕਾਲਜ ਦੇ ਇਸ ਉੱਦਮ ਦੀ ਬਟਾਲਾ ਵਾਸੀਆਂ ਨੇ ਸਰਾਹਨਾ ਕੀਤੀ ਹੈ।

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s